Frumsýning á Himnaríki – geðklofnum gamanleik nálgast

Freyvangur í Föstudagsþættinum

Í Föstudagsþættinum á N4 20. janúar var fjallað um uppsetningu Freyvangsleikhússins á Himnaríki – geðklofnum gamanleik. Þáttinn má sjá með því að smella á tengilinn hér fyrir neðan og umfjöllunin um okkur byrjar á 9. mínútu.

N4 umfjöllun um Freyvang

Búið að opna fyrir miðasölu

Nú er hægt að fara að kaupa miða á Himnaríki – geðklofinn gamanleik.

Við bjóðum upp á fjölbreytt úrval miðakaupaaðferða:

1. Hægt er að smella hér og fara eftir leiðbeiningunum.
2. Hægt er að smella á flipann “Panta miða” hér að ofan og panta miða þar.
3. Hægt er að senda póst á freyvangur@gmail.com og panta miða.
4. Hægt er að hringja í miðasölusímann 857 5598 milli kl. 17 og 19 alla daga. Utan þess tíma er hægt að skilja eftir skilaboð á símsvara.
5. Hægt er að rölta sér í Eymundsson og kaupa gjafabréf á afslætti til 5. febrúar.

Himnaríki – geðklofinn gamanleikur frumsýndur 17. febrúar

Himnaríki - geðklofinn gamaleikur verður frumsýndur 17. febrúar

Og við byrjum að hita upp fyrir Himnaríki – geðklofinn gamanleik

Himnaríki er meira en bara sumarbústaður á Íslandi:

Himnaríki er í Freyvangi

Freyvangsleikhúsið kynnir Kabarettinn Með fullri lengd!

Föstudagskvöldið 18. nóvember verður hinn árlegi kabarett Freyvangsleikhússins sýndur. Sýningin hefst klukkan 20:30, húsið opnar klukkutíma fyrr. Að venju verður boðið upp á kaffiveitingar með sýningunni. Að sýningu lokinni mun hin stórkostlega hljómsveit, Þuríður Formaður og Hásetarnir stíga á stokk og halda uppi fjörinu fram til klukkan 01:00. Miðaverð er 2000 krónur, kaffiveitingar og gömludansaball innifalið.

Laugardagskvöldið 19. nóvember verður síðan seinni sýningin. Sýningin hefst 21:00, húsið opnar klukkutíma fyrr. Að sýningu lokinni stígur á stokk Akureyringurinn Rúnar Eff ásamt hljómsveitinni Manhattan  og munu þeir félagar spila til klukkan 04:00. Miðaverð er 2500 krónur og er ballið innifalið.

Ætli verði ekki skemmtilegra á kabarett en í afmælinu hjá Elmari á Hríshóli?
Hjörtur á Rifkelsstöðum og Axel í Víðigerði ÆTLA að mæta.
Benjamín á Tjörnum verður með myndavélina á lofti!
Verður gert grín að ÞÉR??? ÞORIRU EKKI að mæta????

P.s: Svertingsstaða-mafían fékk sínu fram, Theodór Ingi er ekki kynnir í ár!

Freyvangsleikhúsið Eyjafjarðarsveit

Næstkomandi þriðjudagskvöld, klukkan 20:00 verður haldinn fyrsti kabarett fundurinn í Freyvangi. Ætlunin er að setjast niður og ræða málin og skipuleggja næstu skref. Venjan hefur verið að sýna kabarettinn fyrstu helgina í nóvember en í ár munum við breyta út af þeirri venju. Ætlunin er að sýna aðra eða þriðju helgina í mánuðinum.

Jónsteinn Aðalsteinsson ætlar að stýra kabarettinum í ár og er það ætlunin að setja á svið frábæra sýningu sem allir hafa gaman af.

Ef þið hafið áhuga á að vera með, endilega mætið á þriðjudagskvöldið og ekki væri verra ef þið hefðuð einhverjar hugmyndir í farteskinu.

Endilega bjóðið öllum þeim með ykkur sem hafa áhuga á að taka þátt í skemmtilegu verkefni.

Sýning 15. október fellur niður

Af óviðráðanlegum orsökum fellur sýningin sem átti að vera á morgun 15. október niður. Lokasýning verður n.k. föstudag 21. október.

Nývirki frumsýnt

Leikhópurinn glaðbeittur á æfingu

Nývirki, haustsverkefni Freyvangsleikhússins 2011, verður frumsýnt í kvöld kl. 20:00.

Nývirki eru níu ný stuttverk eftir félaga í Freyvangsleikhúsinu.

Sannleikurinn eftir Helga Þórsson í hans leikstjórn. Hvers eðlis er sannleikurinn? Bítur hann eða er hægt að drepa hann?

Axjón eftir Hjálmar Arinbjarnarson í hans leikstjórn. Ýmislegt getur gengið á í framleiðslu áhugaverðra mynda fyrir fullorðna.

Merkilegt eftir Önnu Maríu Hjálmarsdóttur og Halldóru Kr. Vilhjálmsdóttur í leikstjórn Theodórs Inga Ólafssonar. Hafa ráðsett hjón fjarlægst hvort annað vegna tölvutækninnar?

Skyrturnar eftir Atla Viðar Engilbertsson í leikstjórn Daníels Freys Jónssonar. Ráðherrann vill bara hvítar skyrtur, ekki svartar eða gular! Hvernig bregst hann við áreitni herra Bleiks og yfirgangi fröken Bláhers? Hvað koma álfarnir þessu við?

Handbók fyrir byrjendur eftir Hjálmar Arinbjarnarson í hans leikstjórn. Ný sýn á Gullna hliðið í kjölfar nýrra aðstæðna í breyttum raunveruleika íslensks samtíma.

Kaffi, smók og piss eftir Daníel Frey Jónsson í hans leikstjórn. Þegar fólk hefur verið alið upp á kaffi á það stundum erfitt með að sjá að kaffi er kannski ekki eins gott og hollt og það hélt. Þegar einhver bendir á að sumt sem hefur verið gengið út frá sem viðteknum sannleik, standist ef til vill ekki, riðar heimsmyndin til falls.

Banvæn viðskipti eftir Helga Þórsson í leikstjórn Ingólfs Þórssonar. Viðskipti á miðöldum varpa ljósi á hugmyndir og heimsmynd sem var.

Jón Jónsson eftir Úlfhildi Örnólfsdóttur í leikstjórn Theodórs Inga Ólafssonar. Þegar Jóni Jónssyni er boðin stöðuhækkun virðist framtíðin blasa við honum en hann er ekki alveg viss um hvort hann eigi að þiggja stöðuna því gagnstæðar langanir togast á hjá honum.

Dah… eftir Elísabetu Katrínu Friðriksdóttur í leikstjórn Helga Þórssonar. Samskipti kynjanna geta verið margslungin og eðli ástarinnar undarlegt. Hvað er það á endanum sem ræður úrslitum í þeim efnum?

Leikarar í Nývirki eru: Anna María Hjálmarsdóttir, Anton Albert Eggertsson, Arnar Hrólfsson, Brynjar Gauti Schiöth, Dagbjört Guðjónsdóttir, Daníel Freyr Jónsson, Halldóra Kr. Vilhjálmsdóttir, Hallur Örn Guðjónsson, Helgi Þórsson, Hjálmar Arinbjarnarson, Inga María Ellertsdóttir, Ingibjörg Ásta Björnsdóttir, Steingrímur Magnússon, Theodór Ingi Ólafsson og Úlfhildur Örnólfsdóttir. Flestir leikaranna leika í fleiri en einu verki.

Miðaverði er stillt í hóf, eða einungis 1.500,- kr. og hægt er að panta miða hér á síðunni (undir flipanumPanta miða hér að ofan) eða í síma 857 5598 milli 17:00 og 19:00.

Sýnt í október.