Fyrsta verkefni Freyvangsleikhússins á þessu leikári verður barnaleikritið Emil í Kattholti, eftir sögum Astrid Lindgren. Um er að ræða nýja leikgerð sem aldrei hefur verið sett upp áður á Íslandi. Þýðandi leikgerðarinnar er hinn góðkunni Guðjón Ólafsson og leikstjóri hin þrautreynda Saga Jónsdóttir.
Áheyrnarprufur fyrir aðalhlutverkin (Emil og Ídu) verða í Freyvangi laugardaginn 24. ágúst frá kl. 13:00 og sunnudaginn 25.ágúst á sama tíma. Emil þarf að vera á aldrinum 11-12 ára og Ída 7-9 ára. Við leitum að krökkum sem finnst gaman að leika og syngja og eru reiðubúin að eyða miklum tíma í Freyvangi. FORELDRAR ERU BEÐNIR UM AÐ FYLGJA BÖRNUM SÍNUM Í ÁHEYRNARPRUFUR.
Skráning í prufur er á facebook.com/freyvangur og þar skal taka fram nafn og aldur og símanúmer foreldris.
Freyvangsleikhúsið 