Freyvangsleikhúsið setur nú upp leikritið Þrek og tár, eitt af ástsælustu verkum Ólafs Hauks Símonarsonar. Leikstjóri er Ólafur Jens Sigurðsson og tónlistarstjóri Ingólfur Jóhannsson.
Saga kaupmannnsfjölskyldu í Reykjavík í byrjun sjöunda áratugarins. Undir niðri krauma óuppgerð átakamál og breyskleiki. Tónlistarhæfileikar fjölskyldunnar brjótast út á mismunandi hátt, en lög eins og Þrek og tár, Í rökkurró og Heimþrá krydda verkið ásamt öðrum ástsælum lögum þess tíma.
Frumsýnt verður 23. febrúar og sýningar verða föstudaga og laugardaga fram á vor.
Hlökkum til að sjá þig og þína í leikhúsinu!
Freyvangsleikhúsið 